Friday, September 16, 2011

Primos de Estanbol




 Un diya de Shabath en el empesijo del enverano, el 23 del Junio en mil novesyentos is sinkuenta i uno, estamos los primos chikitikos en la guerta de la kaza de Mahmut Bey en Icerenkoy-Bostanci ande la alkilimos esta kaza kon guerta por el enverano. La doz mansevas son las primas ermanas de mi madre Janti i Rashel Beyo. El bebe en la puset es mi primiko Moiz el mas chiko. Yo esto asentada en la siya de estera kon el otro primo Salvo el ijo de Rashel. Los mas grandes empyez son Albertiko, mi ermana Dora, Leoniko mi primo ermano i un ijiko vizino. La guerta es una guerta tipika de akeyos tyempos kon yervas naturalas i arvoles, una kaza de tavla de doz etajes ande los proprietaryos moravan en el etaj de ariva. Mahmut Bey bivia kon su ija Mahmure Hanim, ke era muy luzya i henoza i ke konduizava un oto mezmo akeyos tyempos. Se alavava ke eya solo konduizava 25 kilometros a la ora, un sinyo ke konduizava muy byen. Mi madre Ester i Mahmure Hanim eran buenas amigas i se ivan al bostan enjuntos a merkar pipinos i domates freskas. Akeyos tyempos de vedra ke en Bostanci aviya bostanes. La golor de los pipinos freskos dainda me akodro. Tambien me akodro las emosyones de diyas ke pasavamos enjuntos kon primikos i membros de famiya, kuando el fotografchi era syempre mi padre. Los tratamyentos siguro era Shurup de vishnia kon biskotchos de susam i frutas freskas de enverano.

No comments:

Post a Comment

  El espanyol sefardí  Paperback – 2 abril 2024 de  Manuel Gálvez Ibáñez   (Autor)