Matmuazel Behar

Esta fotografiya es echa por mi padre Izak Kohen en el anyo 1947 en La isla Prinkipo serka de Estambol. La mujer el la parte syedra de la photo es Mamuazel Bert Behar ke hue profesora en la eskola Djudiya por munchos anyos. La ijika chikitika es mi ermana Dora ke teniya un anyo akel enverano. Los mansevos son los ermanos Rafael i Moiz Bartu i sus ermana Rashel Bartu. Todos en la foto ya mos desharon la buena vida ma yo me akodro komo eran buenos amigos de mi paryentes. Mamauazel Behar kontinuo a ser visina en el apartamento vyejo ke bivimos munchos anyos. Kon los otros mansevos moz enkontravamos en okazyones en la sivdad u la kampanya.